Асист. м-р Даниел Томиќ (1991) дипломира на Градежниот факултет (конструктивна насока) при Универзитетот „Св. Кирил и Методиј“ во Скопје во 2013 година. Во учебната 2013/2014 се запишува на интернационалните последипломски студии на Институтот за земјотресно инженерство и инженерска сеизмологија (ИЗИИС). Како дел од постдипломските студии успешно реализира едносеместрална размена во периодот септември 2014 – февруари 2015 на Универзитетот во Наполи, Федерико II (секундо) во Италија, на катедрата за „Инженерски и архитектонски конструкции“. Магистрира во 2018 година во областа на земјотресното инженерство со потесна област на истражување анализи на сеизмичкиот ризик на постојни и планирани објекти, типологии на објекти.
М-р Даниел Томиќ во моментов е асистент и докторанд во Институтот за земјотресно инженерство и инженерска сеизмологија (ИЗИИС) во Одделот за ризик, управување со катастрофи и стратешко планирање при Универзитетот „Св. Кирил и Методиј“ во Скопје. Неговата потесна област на истражување е анализи на сеизмичкиот хазард, повредливост и ризик, како и областите на управување со катастрофи и итни ситуации, но и стратешки планирања во доменот на намалување на ризиците од катастрофи, полиња во кои е фокусирана и докторската дисертација. Во рамки на докторските студии успешно реализира двонеделен престој на Bauhaus-Universität Weimar, на Градежниот факултет во Вајмар, Германија, (2023). Учествувал во неколку семинари и работилници: South Eastern European Graduate School for Master and Ph.D. Formation in Engineering (SEEFORM) by German Academic Exchange Service, Скопје, С. Македонија, (2015); NATO SfP-984374 BSHAP-2 Project: 5th (Final) Project Workshop on the Improvement of the Harmonized Seismic Hazard Maps for the Western Balkan Countries, Скопје, С. Македонија (2015); Seismic Hazard Maps of Republic of Macedonia, 12th Annual meeting of CEN&CENELEC, CURRENT STATUS OF THE EUROCODES IN THE BALKAN REGION, Скопје, С. Македонија, (2016); Карти на сеизмичко зонирање на Република Македонија согласно барањата на MKS EN 1998-1:2004-Еврокод 8, Скопје, С. Македонија, (2016); Стручен форум „Сеизмичка отпорност на градбите“, Скопје, С. Македонија, (2016); IZIIS efforts towards Seismic hazard Assessment of Macedonia, Infra-NAT project workshop on „Bridge Exposure Data Collection“, Скопје, С. Македонија, (2018); Стручен собир, Напредни иновативни супер-изолациски материјали за енергетска ефикасност на згради, Скопје, С. Македонија, (2019); Стручен собир, Колапсот на мостот POLCEVERA MORANDI во Џенова во 2018 година, Скопје, С. Македонија, (2019); Стручен собир, Дизајн и хармонија на мостови, Скопје, С. Македонија, (2019); Eurocodes Balkan Summer School – Seismic Design of concrete buildings организирано European Commission’s Joint Research Centre (JRC), (2021); MOHO Science and Technology H, V, H/V, Италија, (2021); MOHO Science and Technology, EXPERIMENTAL DYNAMIC CHARACTERIZATION OF STRUCTURES, Италија, (2021); OpenQuake online course, Module I, II, III and IV, (2023); EFEHR Webinar: GEM’s Vulnerability Modellers’ Toolkit, (2023); ETRiS – Geo-INQUIRE online training course: Empirical fragility and vulnerability curves for risk analysis (VA2-35-1), (2023).
Како еден од авторите се јавува во изработката на националните анекси, Картите на сеизмичко зонирање на Република Македонија согласно барањата на MKS EN 1998-1:2004-Еврокод 8. Има учество во пост земјотресни мисии: Земјотресот во централна Италија (2016); Земјотресот во Скопје (2016); Земјотресот во Охрид (2017); Земјотресот во Албанија (2019). За земјотресот во Албанија има добиено сертификат за особена благодарност од амбасадата на Република Албанија во Скопје. Активен учесник е на интерни проекти меѓу кои INFRA-NAT (783298) – UCPM-2017-PP-AG – Increased Resilience of Critical Infrastructure to Natural and Human-Induced Hazards (2018) и проектот „Eq-DAT: Надградба и модернизација на постојната ИЗИИС методологија за проценка на штети и загуби од земјотреси” (2020). Има публикувано голем број научни трудови на национални и меѓународни конференции и стручни извештаи. Активно е вклучен во стручно-апликативната работа на УКИМ-ИЗИИС, како и во работата на стручни комисии и работни групи при изработка на мислења за проектиран и изведбен степен за механичка отпорност, стабилност и сеизмичка заштита на градбите во Република С. Македонија. Член е на Македонската асоцијација за земјотресно инженерство (МАЕЕ) и Комората на овластени инженери и архитекти на Македонија (KOMORAOAI).
