добродојдовте на нашиот алумни портал
мисија
Креирање на мрежа која ќе го поврзува научно-истражувачкиот и соработнички кадар на ИЗИИС со поранешните вработени, студенти и курсисти на ИЗИИС, со идеја за остварување на заедничка контиуирана соработка, размена на идеи и мислења, а со цел развој и унапредување на земјотресното инженерство, инженерската сеизмологија и општеството во целина.
Визија
ИЗИИС АЛУМНИ мрежата ќе ги обедини различните генерации кои низ ИЗИИС го трасираа својот научен и професионален пат, а чии достигнувања и кариери ќе ги мотивираат сегашните и идни вработени и студенти за понатамошно научно и професионално унапредување. Визијата е да оваа мрежа во иднина прерасне во форум низ кој ќе се креираат и дискутираат нови идеи и концепти на национално и глобално ниво, а ќе се промовира идејата за создавање на сеизмички сигурни и отпорни општества.
Цел
- Промовирање на угледот на ИЗИИС во земјата и странство
- Поврзување со сите поранешни вработени, студенти и курсисти на ИЗИИС
- Јакнење на врската и соработката помеѓу кадарот на ИЗИИС и алумните
- Соработка помеѓу компаниите и институциите во кои алумните работат
- Креирање на база на податоци со контакти која ќе биде достапна за сите регистрирани членови
- Креирање на форум за он-лине комуникација
- Соработка со слични алумни друштва во земјата и странство
- Организирање на заеднички средби
Членство
Право на членство имаат сите поранешни вработени, студенти и курсисти на ИЗИИС. Регистрирањето е доброволно, бесплатно и може да се направи on-line.
Уверени сме дека ИЗИИС АЛУМНИ ќе предизвика голем интерес кај нашите колеги, со кои заедно преку оваа мрежа ќе ги промовираме традицијата и угледот на ИЗИИС и унапредиме меѓусебната соработка.
Контакт
e-mail: alumni@iziis.ukim.edu.mk